بدون مجاملات المباراة اليوم كانت سيئة للغاية على الرغم من الفوز (اللي كان ابالحظ اثر غلطة مدافع تشلسي السابق بن حايم وتسجيله هدف جميل في مرماه لول) لكن المستوى كان هابط بشكل غريب .. الفريق يلعب بدون روح ولا اشوف ان فيه تجانس بين اللاعبين, الهجوم تعيس سواءا في الشوط الاول (توريس, مالودا وستوريدج.. يمكن ستوريدج كان اداءه ايجابي اكثر من غيره) والشوط الثاني (دروجبا, كالو وانيلكا) .. خط الوسط اللي برز فيه اليوم اهو (ماكتشرن) والاسوأ هو (لامبارد) .. الدفاع كاد ان يتسبب في هدفين اثر ارجاع الكرة لحارس المرمى بالرأس, اللي شفتهم يلعبون اهم (بوسنجوا و جون تيري) والباجي للأسف دون المستوى المطلوب .. ضاق خلقي الصراحه .. اتمنى ان يتحسن المستوى في الجولة الاسيوية وفعلا محتاجين مهاجم او اثنين جدد .. ولاعبين خط وسط ومدافع .. يالله يا فياش بواش نبي نشوف اسماء جديدة في الفريق
No comments:
Post a Comment