خوان ماتا .. واحد من أفضل اللاعبين اللي مروا على فريق البلوز تشيلسي .. بس مع خوسيه مورينيو تغير الامر شوي ومع كثرة النجوم والتحدي والتنافس فيما بينهم ومراكزهم المتقاربة الامر مو بس تغير الا بدى يصعب اكثر و اكثر واللي زاد الطين بله تصرف غير لائق من ماتا لما بدله مورينيو ودخل مكانه أوسكار .. طلع من الملعب سحب على خوسيه وقام يهذي ويأشر بيده ويقط كلام يعبر عن استيائه بسبب التبديل اللي غير مسار المباراه وقاد الفريق للفوز !! لا وأوسكار صنع وسجل .. وفي كلام وصلني ان من يومها وماتا اسلوبه صار بارد وماقام ينتظم بالتدريبات من ناحيه قله العطاء واللا مبالاه .. اتمنى ان هالكلام يكون خطأ لأني أحب ماتا وهو جزء لا يتجزأ من البلوز .. فريق كبير لازم يملك دكة احتياط كبيرة وتليق بمستوى بطل أوروبا ! .. مع الايام اليايه كل شي يبين والصورة بتوضح زيادة .. واتمنى الافضل لكل من الفريق واللاعب
No comments:
Post a Comment